Սառը սուրճի բաղադրատոմս

Ամռան շոգին ի՞նչը կարող է ավելի թարմացնող ու հաճելի լինել, քան յուրահատուկ բաղադրատոմսով պատրաստված սառը սուրճը։ Ձեզ ենք ներկայացնում համեղ սուրճի բաղադրատոմս, որն ամռան շոգին կդառնա Ձեր ամենասիրելի ըմպելիքներից մեկը։ Սուրճը պատրաստելու համար ձեզ անհրաժեշտ է՝ 

Թարմ բնական սուրճ` 300-350 գրամ

Դառը շոկոլադ` 30-50 գրամ

Անանուխի թուրմ կամ լիկյոր` 2-4 թեյի գդալ

Սերուցքային պաղպաղակ` 100 գրամ Սառույցի կտորներ 

Առաջին հերթին անհրաժեշտ է եփել սուրճը: Տաք սուրճի մեջ լուծում ենք դառը շոկոլադը, թողնում ենք մի քիչ հովանա։ Շատ սառը սուրճ ստանալու համար կարող եք այն տեղավորել սառնարանում և այնուհետև խառնել սերուցքային պաղպաղակը, անանուխի թուրմը և սառույցը: Բաղադրատոմսն ամբողջական դարձնելու համար պետք է այս ամենը հարել բլենդերով մինչև համասեռ զանգված ստանալը: Մատուցելիս կարող եք ևս մի քանի կտոր սառույց ավելացնել և զարդարել անանուխի թարմ թերթիկներով: Սուրճը շատ համեղ կլինի թխվածքների և խմորեղենի հետ։ Ինչպես նաև այս բաղադրատոմսը կատարյալ է նախաճաշի հետ՝ առավոտյան թարմանալու համար։ Սուրճ պատրաստելու համար անհրաժեշտ բլենդերների լայն տեսականին կարող եք գտնել մեր կայքում։