Ինչպես ընտրել միկրոալիքային վառարան

Միկրոալիքային վառարանների հնարավորությունները հաճախ թերագնահատվում են: Բայց դրանք կարող են ոչ միայն տաքացնել սնունդը, այլև՝ եփել ինչպես ջեռոցը, միայն՝ շատ ավելի արագ:

Նախ, կարևոր է հասկանալ, թե արդյոք միկրոալիքային վառարանը կօգտագործվի միայն ջեռուցման/հալեցման, թե նաև ուտեստ պատրաստելու համար:

Կախված միկրոալիքային վառարանի հնարավորություններից, դրանք բաժանվում են.

• սոլո մոդելներ;
• գրիլով;
• գրիլով և կոնվեկցիայով։

Սոլո միկրոալիքային վառարանները մեկ արտանետիչով են: Դրանք հրաշալի տաքացնում և հալեցնում են սնունդը: Ունեն պարզ կառավարում, որով պետք է սահմանել ժամանակն ու հզորությունը: Չնայած փոքր ֆունկցիոնալությանը, նման ջեռոցներում դուք կարող եք պատրաստել, օրինակ, ձվածեղ, բաժակի մեջ կեքս և այլ պարզ ուտեստներ: Ստացվում է արագ և համեղ։

Սիրու՞մ եք լավ տապակած միս: Ուրեմն Ձեզ պետք է գրիլով տարբերակը: Դրանք  լինում են երեք տեսակ: 

1. Տաքացվող խողովակով գրիլը լավ տապակում է: Տաքացուցիչը տեղ է գտնում սարքի կողային կամ վերնամասում: 
2. Կվարցային գրիլը մի փոքր ավելի թանկ արժե, բայց ուտեստները ավելի համեղ են ստացվում, կարծես՝ բաց կրակի վրա եփված լինեն: Այն ավելի էլեկտրախնայող է:
3.  Ինֆրակարմիր գրիլն ակնթարթորեն տաքանում է, ուստի այն էլ ավելի արագ է եփում: Ուտեստները հյութալի են, լավ տապակած։

Կոնվեկցիայով միկրոալիքային վառարանները լիովին կարող են փոխարինել ջեռոցին: Դրանք ունեն օդափոխիչ, որը ջերմությունը պտտում է ներսում: Դրա շնորհիվ ուտեստը պատրաստվում է արագ ու հավասարաչափ: Այս ռեժիմը թույլ է տալիս պատրաստել բազմազան ուտեստներ՝ ապուր, շիլա, կարկանդակներ, մսային ուտեստներ: 

Միկրոալիքային վառարանի օպտիմալ հզորությունը և կառավարման տեսակը

Մշակման ժամանակը կախված է հզորությունից: Սոլո մոդելների համար բավական է 0,9–1,1 կՎտ հզորությունը։ 

Եթե մոդելն ունի գրիլ կամ կոնվեկցիա, ապա հզորությունը մեծանում է: Նման միկրոալիքային վառարանների առավելագույն էներգիայի սպառումը մոտավորապես 2,5–3 կՎտ է: 

Էլեկտրաէներգիայի սպառումը նվազեցնելու համար կարող եք ձեռք բերել ինվերտորային միկրոալիքային վառարան: Սա միկրոալիքային վառարանի նոր տեսակ է, որն ունի մի շարք առավելություններ. 

• Ավելի թեթև է,
• Աշխատում է անաղմուկ,
• Եփում է համաչափ: 

Միկրոալիքային վառարանի խնամքի հեշտությունը կախված է նրա ծածկույթից: Այն լինում է.

1.Էմալ - ունեն պարզ մոդելները: Հեշտ է խնամվում:

2.Չժանգոտվող պողպատ - ամուր և երկարակյաց նյութ, որը հարմար է գրիլի և կոնվեկցիայի համար: 

3.Բիոկերամիկա - շատ արագ ու հեշտ է մաքրվում, չի կլանում յուղը: 

Կառավարման տեսակետից դրանք լինում են մեխանիկական, էլեկտրոնային և սենսորային: